![](https://www.epokaere.com/wp-content/uploads/2022/07/BD78CEB4-E191-47EE-B888-FF6AE9E8949F.png)
Liverpool fitues i Superkupës së Anglisë
Liverpooli është fituesi i Superkupës së Anglisë, pasi ka arritur të mposhtë Manchester City-n me rezultatin 3-1.
Ndeshja e cila u zhvillua në “King Power Stadium” ishte spektakolare, me të dyja skuadrat që krijuan pafund raste.
Ishte Liverpool që zhbllokoi rezultatin falë një super goli të Arnold në minutën e 21, ndërsa Haaland dhe Mahrez do të shpërdoronin disa raste flagrante në 45 minutat e para.
“Citizens” do të barazonin në pjesën e dytë, pikërisht me lojtarin e ardhur nga stoli, Alverez.
Blerja e kësaj vere përfiton nga një rrëmujë në zonë dhe dërgon topin në rrjetë në minutën e 70.
Blerja e madhe e Liverpool, Darwin Nunez, u aktivizua nga Klopp në pjesën e dytë, duke bërë menjëherë diferencën.
Ishte pikërisht Nunez që fitoi një penallti, e cila u ekzekutua saktë nga Salah në minutën e 83.
Si për t’i marrë totalisht skenën Haaland, më të cilin gara ka nisur ende pa nisur sezoni, uruguajani do të shënonte edhe golin e tretë për “The Reds” pas një goditje në bukur me kokë brenda zonës, duke i siguruar skuadrës së tij Superkupën.