![](https://www.epokaere.com/wp-content/uploads/2022/07/Sebastien_Haller.jpg)
Nuk kanë fund lajmet e këqija për Hallerin, analizat e fundit shqetësojnë sulmuesin
31 korrik 2022
| 11:36
Sebastian Haller, i cili u transferua gjatë kësaj merkatoje te Borussia Dortmund po vuan nga një tumor në testikuj, ndërsa disa ditë më parë kreu edhe një operacion i cili u realizua me sukses.
Por lajmet e këqija për sulmuesin nuk kanë fund, pasi analizat e fundit kanë treguar se kanceri është malinj dhe sulmuesi është i detyruar t’i nënshtrohet menjëherë kimioterapisë. Për këtë arsye Haller do të mungojë për një kohë relativisht të gjatë nga fushat e blerta.
Sipas asaj që raportohet nga mediat gjermane, Haller mund të mos jetë aktiv në futboll rreth 4-5 muaj. “Sebastien do të rikuperohet ne mënyrën më të mirë të mundshme” ishte një nga fjalitë e Borussia Dortmund në postimin që bëri për gjendjen e sulmuesit. /f.a/abcnews.al