Kryeministri Albin Kurti, ka thënë se Kosova sa i përket baterive akumuluese do të ketë 10 herë më shumë se Italia, për kokë banori.

Kurti ka thënë se Kosova është vendi i vetëm në Ballkanin Perëndimor që do t’i ketë bateritë akumuluese

“Bateritë janë vendimtare kur ke politika për gjenerimin e energjisë me burime të ripërtritshme, edhe dielli edhe era mund të akumulohen e të përdoren më vonë, Në e dimë se diell natën nuk kemi, nëse do të duhet energjia natën, nuk mund ta akumulosh përmes diellit si burim, por nëse ke baterinë e cila energjinë që e kam hedhur ditën, mund ta përdorim natën, kjo bëhet e mundshme”, është shprehur Kurti gjatë një konference.

Kurti ka thënë se Kosova është vendi i vetëm në Ballkanin Perëndimor që do t’i ketë bateritë akumuluese.

“Çka na ka bërë të lumtur e të gëzuar me këtë rast është fakti jemi edhe të parët në Ballkanin Perëndimor, të tjerët mund të na marrin neve si shembull. Në Ballkanin Perëndimore nuk ka bateri, duhet të shkosh në Itali e Slloveni, që të mbërrish te bateritë akumuluese, çfarë ne do t’i kemi në grantin me MCC-në”, ka thënë Kurti.

Më tutje, Kurti ka mattë shembull Italinë, se si për kokë banori, Kosova do të ketë kapacitete më shumë.

“Jo vetëm që duhet të shkosh ne Itali e Slloveni. Nëse shikojmë  për kokë banori, Kosova do të ketë kapacitete me bateri akumuluese 10 herë më shumë se Italia, Kosova do t’i ketë 340 megavat orë me 1.85 milionë banorë, ndërkaq Italia i ka 1250 megavat orë kapacitet energjetik me bateri, por i ka 60 milionë banorë”, është shprehur Kurti.