![](https://www.epokaere.com/wp-content/uploads/2022/08/kurti-e-vucici.jpg)
Takimi Kurti – Vuçiq, pritet të nënshkruhet një deklaratë e përbashkët për personat e pagjetur
Kryeministri i Kosovës Albin Kurti dhe presidenti i Serbisë Aleksandër Vuçiq, do të takohen më 18 gusht në Bruksel.
Në këtë takim pritet të nënshkruhet një deklaratë e përbashkët për zgjidhjen e çështjes së personave të pagjetur, raporton gazeta serbe “Nova”.
Agjenda ende nuk dihet për publikun, derisa pala serbe pret që në Bruksel të diskutohet për targat e veturave dhe dokumentet e identifikimit, siç shkruan gazeta kjo është një çështje e kthyer për Prishtinën.
Sipas gazetës “Nova”, nënshkrimi i kësaj deklarate pritet të jetë në rendin e ditës në Bruksel dhe konsiderohet si hap i madh në marrëdhëniet mes dyja palëve.
Ndërsa kryetari i Komisionit të Qeverisë së Serbisë për Personat e Zhdukur, Veljko Odaloviq, ka thënë se nënshkrimi i kësaj deklarate ishte diskutuar edhe në raundet e mëparshme.
Odaloviqi ka thënë se teksti në masë të madhe ishte dakorduar, por se ka pasur kërkesë edhe nga Prishtina.