![](https://www.epokaere.com/wp-content/uploads/2022/08/FD4AA048-F368-46C1-A255-7B34F64C2939.jpeg)
Presidenti Agim Ademi priti ish-futbollistin e njohur Kujtim Shala
Presidenti i Federatës së Futbollit, Agim Ademi ka pritur sot në zyrën e tij ish-futbollistin e gjeneratës së artë të Prishtinës, Kujtim Shala, i cili jeton dhe vepron në Gjermani.
Të pranishëm në këtë takim ishin edhe futbollistë tjerë të kësaj gjenerate si Ramadan Cimili, Edmond Rugova, Ramiz Krasniqi dhe Jusuf Tortoshi.
Shala e falënderoi presidentin Ademi për mikpritjen e ngrohtë dhe e përgëzoi për mandatin e ri në krye të FFK-së si dhe për punën e mirë që është duke bërë në progresin e futbollit kosovar.
Ndërkaq, i pari i FFK-së duke u shprehur i nderuar në mesin e futbollistëve të gjeneratës së artë theksoi se FFK gjithmonë i ka dyert e hapura për këtë gjeneratë dhe se ajo është shtëpi e tyre. Në fund, të takimit presidenti Ademi e nderoi Shalën me një fanellë të Kombëtares së Kosovës.