Kryeministri shqiptar i Malit të Zi, Dritan Abazoviq, ka akuzuar zyrtarët e Partisë Demokratike të Socialistëve (DPS) dhe Partisë Socialdemokrate (SDP), Predrag Boshkoviq dhe Rashko Konjeviq, se janë pjesë e një plani që e shtyn Malin e Zi drejt destabilizimit.

Ai këtë e ka thënë teksa ka folur për destabilizimin e afërt të shtetit, pas kapjes së cigareve në Portin e Tivarit, duke e lidhur me ish-zyrtarë të lartë të Administratës së Policisë, Prokurorisë Speciale të Shtetit dhe kompanisë ndërtimore “Bemax”, shkruan “Vijesti”.

“Kush janë interpretuesit politikë të destabilizimit të Malit të Zi – Rashko Konjeviq (SDP) dhe Pegja Boshkoviq (DPS). Zbatuesit politikë të kësaj. E pyes kolegun Boshkoviq nëse ka qenë në takimin në Bandiqi pas 30 gushtit me ekipin e përmendur? A ishte ai pjesë e asaj bisede? Ishte për të mos njohur rezultatet, por për të filluar kaos në rrugët e Malit te Zi? E ekspozova plotësisht atë oktapod dhe zor se mund të kthehet, edhe nëse formoni një qeveri në të cilën do të keni ndikim dhe popullit tuaj. Po thërras një Prokurori Speciale të Shtetit për të verifikuar këto pretendime dhe për të vënë drejtësinë në lidhje me mua dhe këdo tjetër”, ka thënë Abazoviqi.

Konjeviq është politikan aktiv dhe Boshkoviq ish-ministër i Mbrojtjes. Abazoviqi ka deklaruar se “këta janë njerëzit që po e shtyjnë Malin e Zi drejt destabilizimit”.

“Unë pohoj se do të fusë dorën në zjarr. Shpjegova për ‘Mportalin’, më duhet të sqaroj për portalin ‘Analitika’ edhe për ‘Pobjedën’ edhe për Drashko Gjuranoviqin edhe për Darko Shukoviqin edhe për Ljub Filipoviqin  edhe për shume të tjerë. Po shpjegoj se cila është narrativa dhe kush financon kë… Më lejoni të pyes nga i kanë marrë apartamentet, kush i ka shlyer kreditë…?”, ka thënë Abazoviqi.

Abazoviq ka theksuar se është i gatshëm të zbulojë “të gjitha gjërat që fshihen nën qilim”.

“Përkundrazi janë masa sekrete që u kryen ndaj skallarëve dhe që ish-PSP-ja përfundoi në media. Unë e ftoj SDT-në të kontrollojë se si erdhën tek ata dhe ofrojë gjetjet e mia. Në ndërkohë vritet djali i Zoran Lazoviqit, Petari, e më pas në ‘Bemax’ fillon përleshja dhe ndahen mes tyre. Njërin e ruajnë 22 persona të armatosur, ndërsa tjetri nuk e di numrin e saktë, por asgjë më pak. Kur piramida bie, ata tërheqin një ACE në mëngë – Marrëveshja Themelore. Po zhvillohet një aksion i organizuar për destabilizimin e shtetit. DPS po e shtyn Malin e Zi në probleme të mëdha me këtë politikë. Nuk e di nëse presidenti i DPS-së merr më shumë vendime në emrin tuaj apo është shantazhuar”, ka thënë ai.