![](https://www.epokaere.com/wp-content/uploads/2022/08/4AE8DC8E-65E4-4E11-9A64-31BAB1029C85.jpeg)
Trajkoviq, Vuçiqit: KFOR-i ofron sigurinë për të gjitha komunitetet në Kosovë
21 gusht 2022
| 23:56
Politikanja serbe, Rada Trajkoviq, i ka sqaruar presidentit të Serbisë, Aleksandar Vuçiq se cila është në të vërtetë detyra e mandatit të KFOR-it.
Ajo këtë e bëri përmes një reagimi në twitter, si përgjigjie ndaj kërkesave drejt NATO-s, të presidentit serb Aleksandar Vuçiq, i cili tha se nëse NATO nuk mbron serbët e Kosovës do të ndërhyjnë, përcjell Klankosova.tv.
“Meqenëse presidenti i Serbisë Aleksandar Vuçiq, nuk duket se e di se cili është mandati i NATO-KFOR-it në të vërtetë.
Detyra kryesore e KFOR-it është të ofrojë siguri dhe LIRINË E LËVIZJES për të gjitha komunitetet në Kosovë. Po edhe heqja e barrikadave është në mandatin e KFOR-it’’, shkruan Trajkoviq.