![](https://www.epokaere.com/wp-content/uploads/2021/08/flet-rrahman-jasharaj.jpg)
Rrahman Jasharaj: Greva do të vazhdojë derisa të ketë zgjidhje
Greva në arsim do të vazhdojë edhe gjatë së hënës.
Kështu bëri të ditur për Klankosova.tv, Rrahman Jasharaj, kryetar i Sindikatës së Bashkuar të Arsimit, Shkencës dhe Teknologjisë.
“Këtë e kemi bërë të ditur edhe gjatë takimit të djeshëm me presidenten Vjosa Osmani. Ne i kemi kërkuar edhe presidentes që ta shfrytëzojë autoritetin e saj për të gjetur zgjidhje. Nuk është se kemi arritur ndonjë rezultat në këtë takim. Qeveria nuk po dëshiron dialog” – tha Jasharaj.
Ai theksoi se greva do të vazhdojë derisa të mos ketë zgjidhje.
“Ne i kemi bërë të ditura kërkesat tona. 100 euro shtesë deri në miratimin e Ligjit të pagave. 50 eurot e ofruara nga qeveria konsiderojmë se nuk i mbulon kërkesat tona. Ne e përgëzojmë qeverinë për pakon e miratuar por kjo nuk i plotëson kërkesat tona. Ligji i pagave po vonohet ndërsa ju po e shihni se çmimet po rriten çdo ditë”- theksoi ai.
Kreu i Këshillit Grevist të BSPK-së shtoi se për mbylljen e grevës do të njoftohet opinioni publik me kohë.
“Ne shpalljen e grevës e kemi bërë në mënyrë publike para mediave dhe po ashtu sapo të ketë ndonjë zgjidhje do të njoftojmë publikisht edhe përfundimin e saj para media – shtoi kreu i Këshillit Grevist të BSPK-së.