![](https://www.epokaere.com/wp-content/uploads/2022/09/Picsart_22-09-03_18-29-30-586-800x460-1.jpg)
Imami Labinot Maliqi kërcënohet me jetë përmes një komenti në Facebook, policia po e heton rastin
Imami Labinot Maliqi ka pranuar kërcënim me jetë, përmes një profili në rrjetin social Facebook.
Maliqi ka thënë se këtë kërcënim e ka pranuar pasi kishte ripublikuar një pjesë të intervistës së tij dhënë për ATV.
Postimi i plotë i Maliqit:
“Të enjten e kam ripublikuar një pjesë të intervistës sime të dhënë për ATV, ku kam folur për vlerën, kontributin dhe rëndësinë jetike që ka prania dhe mbështetja e Shteteve të Bashkuara të Amerikës për sigurinë, paqen dhe shtetin e Republikës së Kosovës.
Me këtë rast, kam pranuar një koment kërcënues nga Xhengiz Ameti, i cili më shkruan: “Qka e paske qafen per ?.”
Rastin e kam paraqitur në Policinë e Kosovës, dhe është duke u trajtuar në nivelin më të lartë. Personi në fjalë dyshoj se është shtetas i Maqedonisë së Veriut, andaj i bëjë thirrje organeve të sigurisë atje dhe prokurorisë që ta hetojnë këtë person, por dhe gjashtë personat e tjerë që e kanë pëlqyer kërcënimin e tij ndaj meje.
Qentë e xhehnemit! Sa të mjerë që janë edhe në dunja!“.