Të mërkurën në Isniq të Deçanit është bërë zbulimi i memorialit përkujtimor, në kujtim të shpëtimit e strehimit të rreth 100 mijë shqiptarëve nga e gjithë Kosova në shtator të vitit 1998.

Kryetari i Komunës së Deçanit, Bashkim Ramosaj, ka thënë se ky memorial do të jetë dëshmi e zemërgjerësisë, bujarisë e fisnikërisë së shqiptarëve ndër breza.

“Falënderoj Agjencinë për Menaxhimin e Komplekseve Memoriale për financimin e këtij projekti dhe gjithë të pranishmëve që na nderuan me prezencën e tyre sot!”, ka shkruar Ramosaj në llogarinë e vet në “Facebook”.