Komisioneri për zgjerim i BE-së, Johannes Hahn, ka thënë se vendimi për liberalizim e vizave për Kosovën do të merret shumë shpejt.

Ai ka premtuar se nuk do të ketë vonesa dhe shtyrje në këtë proces pasi BE-ja do ta mbajë premtimin.

“Do ta mbajmë premtimin dhe do të marrim vendim para pushimeve të verës”, ka thënë Hahn për “KTV”.

Hahn po merr pjesë në Samitin BE-Ballkan Perëndimor që ka nisur sot në Londër.

Në këtë samit Kosova përfaqësohet nga kryeministri Ramush Haradinaj dhe zëvendëskryeministri, njëherësh ministër i Punëve të Jashtme, Behgjet Pacolli.