Kryeprokurori i Prokurorisë Themelore në Gjilan, Jetish Maloku, ka bërë me dije se janë liruar pesë serbët e arrestuar të martën nga Policia e Kosovës.

“Pas intervistimit dhe dëgjimit ata janë liruar dhe ndodhen në shtëpitë e tyre. Janë konfiskuar disa materiale të ndryshme, armë dhe fishekë me ç’rast pas ekzaminimit do të shqyrtohet mundësia e hetimit të tyre për shkak të veprave në fjalë”, ka thënë Maloku.

Pesë të arrestuarit ishin të dyshuar për veprimtari kundër sigurisë në Kosovë.