![](https://www.epokaere.com/wp-content/uploads/2022/10/flori.png)
Flori Beqirajt i caktohet një muaj paraburgim
Për shkak që ndodhet afër qendrës së qytetit, siguria e rrugës supozohet të jetë e lartë. Por në mbrëmjen e 27 shtatorit nuk qe e kështu, pasi që mu këtu u sulmua seksualisht alpinistja Mrika Nikqi nga Peja.
Me të rënë errësira, në pamje shihet se si personi i dyshuar me inicialet F.B. e kishte sulmuar Nikqin.
Këtë video Nikqi e shpërndau vetë në rrjete sociale.
I dyshuari u arrestua nga organet policore e hetimet po i kryen Prokuroria Themelore në Pejë.
Zëdhënësi i Prokurorisë, Shkodran Nikqi jep më shumë detaje se ç’po ndodh me këtë rast.
Edhe gjyqësori i është vënë menjëherë pas zbardhjes së rastit. Seanca për caktimin e paraburgimit u mbajt këtë të shtunë në Gjykatën Themelore në Pejë.
Ajo ishte e mbyllur për media dhe i dyshuari për rastin F.B u soll nga një hyrje tjetër.
E aty u pa vetëm avokati i tij i cili hezitoi të flasë para gazetarëve.
Tutje Gjykata mori vendim që F.B. të i caktohet masa a paraburgimit në kohëzgjatje 30 ditë.
Megjithatë rastet e tilla po i sheh si shqetësuese aktivisti e gazetari nga Peja, Valdrin Daci.
Rasti i fundit ndaj Nikqit ka shqetësuar edhe qytetarët nga Peja, të cilët po kërkojnë më shumë punë nga organet e drejtësisë
Mrika Nikqi është alpiniste nga qyteti i Pejës e cila njihet për ngjitjen e majave më të larta në botë.