FIFA e ka publikuar ranglistën e re për ekipet Përfaqësuese. Kosova ka zhvilluar dy ndeshje në muajin shtator dhe ka pësuar ndryshime në renditje, por kësaj radhe ka rënë për një pozitë.

“Dardanët” pësuan humbje 2-1 nga Irlanda e Veriut, derisa mposhtën Qipron 5-1. “Dardanët”  ka rënë për një pozitë dhe tani ndodhet në vendin e 107-të me 1187,01 pikë.

Rezultatet edhe më dobëta pati Shqipëria, ku u mposht në udhëtim 2-1 nga Izraeli dhe luajti baras 1-1 me Islandën, përkundër që mysafirët ishin me 10 futbollistë në fushë. Por, përkundër se nuk arritën asnjë fitore, Shqipëria ka ruajtur pozitën e 66-të me 1354,11 pikë.

Në top dhjetëshe nuk ka ndryshime të mëdha, pasi Brazili mbetet në pozitën e parë, vetëm Italia ka parakaluar Spanjën, duke u ngjitur në pozitën e gjashtë dhe me spanjollët në pozitën e shtatë.

Pozitën e dytë e mban Belgjika, të tretën Argjentina, teksa pas tyre vijnë Franca, Anglia dhe Holanda, Portugalia dhe Danimarka që ndajnë pozitat tetë, nëntë dhe dhjetë.

🆕 FIFA/Coca-Cola Men's World Ranking is out!
🇧🇷 Brazil increase their lead at the top 💪
📈 Big gains for Scotland, Azerbaijan, Algeria, Georgia, Mauritania and Suriname 🧗
🇮🇹 Only change in top 🔟is Italy leapfrogging Spain 🇪🇸
👉 https://t.co/l8xCZVumLX pic.twitter.com/yZpd94P41R

— FIFA (@FIFAcom) October 6, 2022