Një autobus nga Kosova është sulmuar gjatë daljes nga autostrada në Serbi.

Me këtë rast, ka reaguar ministri i Punëve të Brendshme, Xhelal Sveçla, i cili ka dënuar ashpër këtë sulm, i cili sipas tij ka qenë i planifikuar.

“Dënojmë ashpër sulmin e planifikuar ndaj një autobusi kosovar gjatë daljes nga autostrada në Serbi. Autoritetet serbe janë informuar për sulmin, por nuk është ndërmarrë asnjë veprim. Ky mosveprim mund të interpretohet lehtësisht si ftesë e nënkuptuar për akte të tilla të tmerrshme”, ka shkruar Sveçla në “Facebook”.