![](https://www.epokaere.com/wp-content/uploads/2022/10/ramaa.jpg)
Edi Rama ia pa sherrin fjalimit të fuqishëm në Parlamentin e KE-së (dokument)
Fjala e kryeministrit Edi Rama në Asamblenë Parlamentare të Këshillit të Evropës, ku bëri thirrje që të rrëzohen akuzat kundër Kosovës dhe ta pranojë kërkesën e Shqipërisë për miratimin e një rezolute që kërkon një raport vijues lidhur me akuzat e paprovuara të Dick Marty, ka shkaktuar reagime të forta, ku disa e kritikojnë për sjelljen e disa e lëvdojnë.
Por që fjala e Ramës ka sjellë pakënaqësi duket edhe pasi kreu i grupit të Partive Popullore Evropiane, Aleksander Pociej, ka thënë se nuk e kanë pranuar ftesën e Ramës për darkë.
![](https://www.gazetaexpress.com/wp-content/uploads/2022/10/d-1.png)
“Me keqardhjen time të thellë, pas ndërhyrjes sot pasdite në Kuvend të kryeministrit të Shqipërisë, z. Edi Rama, Komisioni Presidencial ka marrë një vendim për ta refuzuar ftesën e kryeministrit për një darkë pune” thuhet në një njoftim në email të Aleksander Pociej.
Këtë denoncim e ka bërë deputeti i PD-së, Belind Këlliçi, i cili thotë se shkak për anulimin e ftesës është bërë “fjala e turpshme, arrogante dhe me tone fyese” e kryeministrit Rama, teksa paraqiti rezolutën kundër raportit të Dick Marty për pretendimet e paprovuara për krime lufte nga liderët e UÇK-së gjatë luftës në Kosovë.
Kujtojmë që kryeministri Edi Rama kërkoi nga Asambleja Parlamentare e Këshillit të Europës që t’i rrëzojë akuzat kundër Kosovës dhe ta pranojë kërkesën e Shqipërisë për një raport vijues ndaj atij të Dick Martyt. Kreu i qeverisë kërkoi rishikimin e Rezolutës 1782 (të miratuar në vitin 2011) për raportin e Dick Martyt, për t’i shpallur të pabazuara akuzat e tij për trafikim të organeve njerëzore gjatë luftës së fundit në Kosovë.