Kryetari i Komunës së Drenasit, Ramiz Lladrovci, ka pritur në takim ambasadorin e Gjermanisë, z. Jorn Rohde, të cilin e ka falënderuar për përkrahjen në arsim.

Ai e ka njoftuar me të arriturat dhe sfidat në komunën e Drenasit, si dhe për bashkëpunimin e shumanshëm të komunës së Drenasit me disa komuna në Gjermani, në fushën e arsimit.

“Sot, me kënaqësi prita, ambasadorin e Gjermanisë në vendin tonë, Jorn Rohde. Ambasadorin e njoftova për të arriturat dhe sfidat në komunën e Drenasit, si dhe për bashkëpunimin e shumanshëm të komunës sonë me disa komuna në Gjermani, në fushën e arsimit.  Ambasadori Rohde u interesua po ashtu, lidhur me fabrikën e Ferronikelit si dhe sfidat me të cilat ballafaqohet komuna e Drenasit. E falënderova ambasadorin për mbështetjen e vazhdueshme të Gjermanisë në shumë fusha, në veçanti për mbështetjen e arsimit në komunën e Drenasit”, ka shkruar Lladrovci në “Facebook”.