Kryeministri i Kosovës, Albin Kurti ka filluar një praktikë të njoftimit të opinionit për aktivitetet e tij me video nga vetura rrugës për në destinacionet e tij.

Ai këtë herë nga Prishtina është nisur drejt Gjakovës për vënien e gurthemelit të dy institucioneve arsimore.

“Jemi rrugës për në Poroshec të Gjakovës, kur do të vëmë gurthemelin e shkollës së re fillore, e mandej në Rezinë të Gjakovës ku do të vendosim gurthemelin e çerdhes së re. E ardhmja e shtetit tonë, por edhe e ekonomisë dhe shoqërisë sonë varet nga arsimi. Mirupafshim!”, ka thënë Kurti.