![](https://www.epokaere.com/wp-content/uploads/2022/10/prishtina-3.jpg)
Komuna e Prishtinës ndan 20 bursa me nga 1 mijë euro për shpresat e sportit në kryeqytet
Komuna e Prishtinës ka vendosur t’i përkrahë financiarisht sportistët e rinj të kësaj komune.
Drejtoria e Sportit pranë Komunës së Prishtinës ka njoftuar të mërkurën se i ka ndarë 20 bursa me nga 1 mijë euro për 20 shpresa të sportit të kryeqytetit.
“Sot, në ambientet e Komunës së Prishtinës, kemi pritur 20 të rinj e të reja, të cilët janë shpresat e sportit të kryeqytetit. Për të stimuluar punën dhe angazhimin e tyre, por edhe për të ju dëshmuar se si Drejtor i Sportit do të jem afër tyre në secilin hap drejt ndërtimit të një karriere prej kampioni, u kemi ndarë secilit bursë vjetore prej 1 mijë eurosh. Si ish-sportist, e di dhe e kuptoj rëndësinë e mbështetjes për të cilën ka nevojë një i ri ose e re në fillet e karrierës. Prandaj, të gjithë këta, por jo vetëm këta, edhe shumë e shumë sportistë të tjera të ri të Prishtinës, në rrugëtimin e tyre për të prekur majat e sportit do të më kenë krahë në çdo moment”, ka shkruar në “Facebook” drejtori për Sport në Komunën e Prishtinës, Granit Rugova.
![May be an image of 2 people, people standing and indoor](https://scontent.fprn4-1.fna.fbcdn.net/v/t39.30808-6/312463530_10159734268924667_2448719620403142443_n.jpg?stp=cp6_dst-jpg&_nc_cat=100&ccb=1-7&_nc_sid=8bfeb9&_nc_ohc=5TpG_FZBYxAAX9XwiM7&tn=CHqsGuMQ5X0dsGra&_nc_ht=scontent.fprn4-1.fna&oh=00_AT9qp1WMjZWvj19k7kMvlUG55qehEhnVtaziskYPw7R9DA&oe=635E548E)