![](https://www.epokaere.com/wp-content/uploads/2022/10/ar-2-600x360-1.jpg)
Halloweeni për herë të parë bëhet festë edhe në Arabinë Saudite
Arabia Saudite për herë të parë në histori ka organizuar festival për Halloween, një festë kjo dikur e ndaluar.
Gjërat definitivisht po ndryshojnë për Mbretërinë pasi sundimtari i ri de fakto dhe Princi i Kurorës i Arabisë Saudite, Mohammad Bin Salman ka prezantuar reforma për modernizimin e vendit.
Festa e quajtur “Fundjava e frikshme” u zhvillua të enjten dhe të premten në Bulevardin e kryeqytetit saudit, Riadit.
Të ftuarit u veshën me kostume të frikshme dhe pozuan për foto, të cilat pastaj u shpërndanë me të madhe në mediat sociale.
Megjithatë, festimi i Halloween në Arabi ka marrë kritika nga disa përdorues myslimanë të mediave sociale.
Ata kanë akuzuar institucionin fetar të Arabisë Saudite se ka standarde të dyfishta duke mos lejuar festimet e ditëlindjes së Profetit Muhamed, e njohur si El Mevlid.
Derisa, njëri nga të pranishmit në festë shpjegoi se doli për ta festuar Halloween-in vetëm për t’u argëtuar.
“Veprimet bazohen në qëllime. Unë jam këtu vetëm për t’u argëtuar” -tha ai.
![](https://insajderi.org/wp-content/uploads/2022/10/image-350.png)
Ndryshe, Halloween është një festë që festohet me 31 tetor, kur njerëzit festojnë duke veshur kostume që imitojnë heronjtë e filmave horror dhe superheronjtë.
Rasti lidhet me veshjen e maskave dhe rrobave të frikshme, si dhe me qeniet si fantazmat, shtrigat, vampirët, skeletet dhe macet e zeza.
![People Aghast At Halloween Celebrations In Saudi Arabia](https://reviewit.pk/wp-content/uploads/2022/10/saudihalloween-2.jpg)
![People Aghast At Halloween Celebrations In Saudi Arabia](https://reviewit.pk/wp-content/uploads/2022/10/saudihalloween-3.jpg)
![People Aghast At Halloween Celebrations In Saudi Arabia](https://reviewit.pk/wp-content/uploads/2022/10/saudihalloween-4.jpg)
![People Aghast At Halloween Celebrations In Saudi Arabia](https://reviewit.pk/wp-content/uploads/2022/10/saudihalloween-5.jpg)
![People Aghast At Halloween Celebrations In Saudi Arabia](https://reviewit.pk/wp-content/uploads/2022/10/saudihalloween-6.jpg)