Një vajzë e lindur në Filipine është shpallur personi i 8 miliardë në botë, ndërsa OKB-ja ka konfirmuar se popullsia e kishte arritur tashmë këtë shifër. Vogëlushja Vinice Mabansag ka ardhur në jetë në spitalin “Dr. Jose Fabella” në Tondo, Manila më 15 nëntor dhe është zgjedhur për të shënuar momentin historik.

Komisioni filipinas për Popullsinë dhe Zhvillimin i ka dhënë Vinice-it, e cila ka ardhur në jetë në orën 1:29 të mëngjesit me orën lokale, titullin simbolik.

Në një shenjë që tregon se sa shpejt është zgjeruar popullsia e botës, nga 2.5 miliardë në 1950 në tetë miliardë sot,  të porsalindurit që përfaqësonin vogëlushët e pestë, gjashtë dhe shtatë miliardë u emëruan përkatësisht në vitin 1987, 1999 dhe 2011.

Foshnja e pesë miliardëve është “pagëzuar” në një spital në Zagreb, Kroaci në datën e parashikuar.  Me shpejtësi në vitin 1999 dhe Adnan Mevic, i lindur në Bosnje-Hercegovinë është shpallur foshnja e gjashtë miliardë në botë nga askush tjetër veçse sekretari i përgjithshëm i OKB-së, Kofi Annan.

Adnani ka thënë se titulli i ka sjellë shumë vëmendje gjatë gjithë jetës së tij, madje i ka dhënë mundësinë të takojë heroin e tij, Christiano Ronaldo. /Abcnews.al