Presidenti ukrainas Volodymyr Zelensky ka konfirmuar se marrëveshja e grurit në Detin e Zi do të zgjatet me 120 ditë me përpjekjet e Turqisë dhe OKB-së.

“Marrëveshja e grurit do të zgjatet për 120 ditë. Ukraina së bashku me (Sekretarin e Përgjithshëm të OKB-së) Antonio Guterres dhe (Presidentin turk) Recep Tayyip Erdogan morën vendimin kyç në luftën globale kundër krizës ushqimore. Në pritje të njoftimit zyrtar nga partnerët, Turqia dhe OKB-ja”, ka shkruar Zelenskyy në Twitter.

Marrëveshja, e nënshkruar në korrik në një përparim të madh në lehtësimin e krizës globale ushqimore të shkaktuar nga pushtimi rus i Ukrainës, do të skadonte të shtunën.

Ukraina dhe Rusia së bashku përbëjnë gati një të tretën e eksporteve globale të grurit dhe marrëveshja e grurit ka luajtur një rol vendimtar në uljen e çmimit të grurit dhe të mallrave të tjera globalisht.

Grain Deal will be prolonged for 120 days. 🇺🇦 together with @antonioguterres and @RTErdogan made key decision in the global fight against the food crisis. Waiting for official announcement from partners – 🇹🇷 and 🇺🇳.

— Volodymyr Zelenskyy / Володимир Зеленський (@ZelenskyyUa) November 17, 2022