Ish-presidenti i Shqipërisë, Ilir Meta, ka vizituar sot Panairin e Librit në Tiranë.

Ai u ka shprehur mirënjohje krijuesve dhe drejtuesve të shtëpive botuese, që pavarësisht vështirësive këtë vit mundësuan mijëra tituj librash për lexuesin shqiptar.

“Libri është një mik i çmuar dhe i pazëvendësueshëm, pavarësisht zhvillimit të vrullshëm teknologjik”.

“Më shumë përpjekje dhe më shumë mbështetje për inkurajimin e leximit të librit, sidomos për fëmijët dhe të rinjtë, sepse përmes librit formojmë qytetarë të denjë për vendin dhe garant të demokracisë”, ka shkruar Meta në “Facebook”.