Dyshimet se Leonardo DiCaprio dhe Gigi Hadid janë në një romancë sa vijnë dhe po shtohen, pasi dyshja u panë nën shoqërinë e njëri-tjetrit gjatë fundjavës. Dyshja u fotografuan duke dalë për darkë në Cipriani në New York City.

Çifti i “trembur” nga kamera – të cilëve iu bashkua miku i DiCaprios, Vivi Nevo – u përpoqën të fshiheshin nga paparacët ndërsa sigurimi i nxori ata nga restoranti.

Aktori i “Titanic”  kishte veshur atlete të bardha, xhinse të zeza, një pallto të zezë dhe një kapele bejsbolli dhe maskë që fshihte pjesën më të madhe të fytyrës së tij. Ndërsa modelja e famshme kishte veshur një bluzë të shkurtër, një xhaketë lëkure dhe një shall blu që e përdori për të mbuluar fytyrën e saj.

48-vjeçari dhe 27-vjeçarja u panë për herë të parë bashkë në shtator gjatë Javës së Modës. Page Six raportoi ekskluzivisht se dyshja po shijonte shoqërinë e njëri-tjetrit në një festë në papafingo në Soho dhe u pa gjithashtu në Casa Cipriani.

Një burim i tha Page Six se ata “po njiheshin me njëri-tjetrin” dhe po i merrnin gjqrat shtruar. Ata shpesh herë kanë qenë të shoqëruar me miq dhe disa herë vetëm.”

Fituesi i Oskarit u pa rastësisht në Milano në të njëjtën ditë kur Hadid  ishte pjesë e sfilatës së modës Versace Pranverë/Verë 2023.

Ai është parë edhe në të njëjtin hotel, Royal Monceau, ku ka qëndruar edhe Hadid gjatë Javës Së Modës.