Koordinatori i Departamentit për Drejtësi në Kabinetin për Qeverisje të Mirë në PDK, Përparim Gruda, ka reaguar për vrasjen e 63-vjeçares nga bashkëshorti i saj në Prishtinë.

Gruda ka thënë se vrasja e Sadije Godenit është alarm për shoqërinë dhe shtetin e Kosovës.

“Vrasja e sotme makabër e mësueses Sadije Godeni në Prishtinës, është një alarm për shoqërinë dhe shtetin, sepse kjo nuk është hera e parë që ndodhë një ngjarje kaq tragjike”, ka shkruar Gruda në “Facebook”.

Postimi i plotë i Grudës:

Vrasja e sotme makabër e mësueses Sadije Godeni në Prishtinës, është një alarm për shoqërinë dhe shtetin, sepse kjo nuk është hera e parë që ndodhë një ngjarje kaq tragjike.

Faktorët që kanë shkaktuar këtë krim dhe rastet e tjera të ngjashme, janë të shumtë: sistemi i edukimit, izolimi, kriza ekonomike, sistemi joefikas i drejtësisë, mungesa e shpresës dhe depresioni shoqëror në të cilin po kalojmë.

Çfarë duhet të bëjmë?

– Të përmirësojmë sistemin e edukimit, duke filluar nga tani.

– Të zbusim krizën ekonomike, menjëherë.

– Qeveria e vendit të jetë me solidare dhe më e ndjeshme me njerëzit e saj, jo të sillet më arrogancë.

– Të forcojmë sistemin e drejtësisë, duke rritur pagat jo duke i ulur ato.

– Të pranojmë debatin e vërtetë, jo të improvizojmë atë.

– Të ushqejmë më shumë shpresë dhe besim se ky vend mund të behët, jo të thellojmë ndarjet.

Ngushëllimet më të sinqerta familjes së mësueses Sadije!