Qendra Klinike Universitare e Kosovës ka konfirmuar e sonte rreth orës 18:00, në oborrin e QKUK-së ka ndodhur një vdekje.

“Organet policore menjëherë ka dalë në vendin e ngjarjes si dhe dyshimet e para nga Policia janë se bëhet fjalë për vrasje. Policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim të sqarimit të plotë të ngjarjes. Detajet e tjera do të jepen nga organet kompetente që janë duke kryer hetimet”, ka njoftuar ShSKUK-ja.

Sipas informacioneve aktuale, një person raportohet se ka vrarë bashkëshorten e tij shtatzënë para objektit të Gjinekologjisë në Qendrën Klinike Universitare të Kosovës.