Shefi i EULEX-it, Lars-Gunnar Wigemark, ka reaguar sërish për sulmet e ditës së djeshme në veri të Kosovës, duke thënë se të gjithë duhet të qëndrojnë të qetë dhe të përmbajtur.

Wigemarku ka bërë me dije r se EULEX-i është duke monitoruar situatën bashkë me Policinë e Kosovës dhe KFOR-in.

“Të shqetësuar për incidentet e djeshme në veri të Kosovës. Çdo protestë duhet të jetë paqësore dhe të gjithë duhet të qëndrojnë të qetë dhe të përmbajtur. EULEX-i do të vazhdojë të monitorojë situatën në koordinim të ngushtë me Policinë e Kosovës dhe KFOR-in”, ka shkruar Wigemarku në “Twitter”.