Në selinë e UEFA-s në Nion sot është bërë tërheqja e shortit për kualifikimet e Kampionatit Evropian 2024 në grupmoshat nën 17 dhe nën 19 vjeç.

Përfaqësuesja e Kosovës U17 është përfshirë në Grupin e 9-të, ku bëjnë pjesë edhe Anglia, Kroacia dhe Ishujt Faroe. Ndeshjet e këtij grupi do të zhvillohen në Kroaci, më 3, 6 e 9 nëntor, 2023.

Ndërkaq, U19 bën pjesë në Grupin 7, ku janë përfshirë edhe Ukraina, Sllovakia dhe Malta. Kjo e fundit do të jetë nikoqire e mini-turneut të këtij grupi, ndeshjet e të cilit zhvillohen më 15, 18 dhe 21 nëntor. Dy skuadrat e para në secilin grup do të kalojnë në raundin elitar së bashku me pesë skuadrat e vendit të tretë me bilancin më të mirë kundër dy të parave në grupet e tyre.