Deputeti i Partisë Demokratike të Kosovës (PDK), Hisen Berisha, ka reaguar për zhvillimet e fundit në veri.

Berisha ka thënë se vetëm koordinimi i Kosovës me ShBA-në i jep fund palëve ruse në Ballkan.

“Koordinimi me ShBA-në, ndalë planet ruse në Ballkan. Putin është në luftë të hapur kundër ShBA-ve! Aktualisht sipas zhvillimeve në Ukrainë dhe ofensivës ukrainase, Putin për të shpëtuar rajonet e aneksuara atje, do ta fus Serbinë direkt në luftë. Si ushtarak, besoj se lokaliteti më i mundshëm është Kosova.

Deklarata e kryeministres së Serbisë Bernabiq, se ‘1244, lejon forcat e Serbisë të vendosen në Kosovë’, gjoja për mbrojtur serbët e rrezikuar, është deklaratë e stisur nga Moska!

Shkalla e rrezikut është e lartë, prandaj institucionet e Republikës së Kosovës do të duhej ta shpallin gjendjen e koordinimit më të ngushtë me ShBA-të në mënyre që të shmangen planet ruse në Ballkan”, ka shkruar Berisha në “Facebook”.