Shefi i grupit parlamentar të Aleancës për Ardhmërinë e Kosovës (AAK), Besnik Tahiri, në një konferencë për media ka folur për Ligjin për Pagat.

Ai është shprehur se ky ligj duhet të hyjë në fuqi më së largu më 1 shkurt. Gjithashtu, ai ka thënë se edhe procedurat e Kuvendit duhet të përfundojnë sa më shpejtë.

“Ligji i Pagave duhet të hyjë në fuqi më së largu më 1 shkurt, që nënkupton procedurat në Kuvendit e Kosovës duhet të përfundojnë sa më shpejtë që është e mundur”.

“Nenet që rrezikojnë të drejtën e Ligjit për Pagat dhe Ligjit për Zyrtarë Publikë, të cilat rrezikojnë që të dërgohen në Gjykatë Kushtetuese, të rregullohen mes dy leximeve në Kuvend”, ka thënë Tahiri.