![](https://www.epokaere.com/wp-content/uploads/2022/12/25AF682E-D5FD-40C9-B3D7-9A5BB07D9032.webp)
Serbia zyrtarisht i kërkon NATO-s kthimin e ushtrisë së saj në Kosovë
15 dhjetor 2022
| 21:37
Qeveria e Serbisë ka miratuar vendimin që t’i kërkojë NATO-s kthimin e ushtrisë së Serbisë në Kosovë, ka bërë të ditur presidenti i Serbisë, Aleksandar Vuçiq, pas mbledhjes së Qeverisë të enjten në mbrëmje.
Ai ka thënë se kërkesa do t’i dorëzohet KFOR-it qysh në mëngjesin e së premtes.
“Vendimi është marrë. Nesër në mëngjes, personalisht do ta dërgojmë te komandanti i KFOR-it kërkesën që një numër i caktuar, në qindra deri në mijëra, i forcave tona të kthehet në Kosovë”, ka thënë pas mbledhjes, Vuçiqi.