![](https://www.epokaere.com/wp-content/uploads/2022/12/basketboll-2.jpg)
Takime interesante në Superligën e basketbollit
Në fundjavë zhvillohet xhiroja e 14-të në Prince Caffe Superligë. Ndeshja e parë zhvillohet mes Ponte Prizrenit dhe Sigal Prishtinës, skuadra që u takuan edhe në çerekfinale të Superkupës, ku fituan prishtinasit.
Prizrenasit kanë gjashtë fitore e gjashtë humbje, kurse kryeqytetasit kanë nëntë fitore e katër humbje. Takim shumë i vlefshëm shihet ndërmjet Rahovecit dhe Pejës. Rahovecasit numërojnë dy fitore e 11 humbje, ndërsa pejanët janë në vendin e parë me dhjetë fitore e tri humbje.
Të dielën do të përballen Bashkimi me Golden Eagle Yllin. Prizrenasit kanë katër fitore e nëntë humbje, ndërsa therandasit pas katër humbjeve në fillim, tani janë në një seri pozitive prej tetë fitoreve radhazi. Ndeshja e fundit e kësaj xhiro zhvillohet Trepçës dhe Vëllaznimit. Të dy skuadrat kanë nga gjashtë fitore e shtatë humbje, andaj pritet një duel shumë interesant të dielën në Mitrovicë.
SUPERLIGA – Java 14
Të shtunën takohen:
17:00 Ponte Prizreni-Sigal Prishtina
19:00 Rahoveci-Peja
Të dielën takohen:
17:00 Bashkimi-Golden Eagle Ylli
19:00 Trepça-Vëllaznimi