Kuvendi i Republikës së Kosovës ka miratuar në lexim të dytë Projektligjin për Pagat në sektorin publik.

Në favor të këtij projektligji kanë votuar 63 deputetë, ndërsa kryetari i Kuvendit të Kosovës, Glauk Konjufca ka abstenuar.

Opozita nuk ka marrë pjesë në votim.

Pavarësisht miratimit të këtij projektligji nuk dihet se sa do të jetë vlera e koeficientit edhe pse për një gjë të tillë opozita ka kërkuar informata nga ministri i Financave, Hekuran Murati.