Ish i burgosuri politik dhe i mbijetuari i masakrës në burgun e Dubravës, Shaban Çupi i shoqëruar nga Ibrahim Curri e Nexhat Ballazhi kanë vizituar shokun e tyre të burgut, Tasim Badallajn nga Zhuri i Prizrenit.

Kështu ka bërë të ditur Çupi përmes llogarisë së vet në “Facebook”.

Njoftimi i plotë i Shaban Çupit:

Sot në Prizren, bashk me shokët Ibrahim Currin e Nexhat Ballazhin, vizituam shokun tonë të burgut Tasim Badallajn nga Zhuri i Prizrenit. Ibrahimi dhe Nexhati bashkë me Mehmet Ballazhin, kanë qëndruar në burg me Tasimin gjatë viteve të 80-ta dhe i cili ka kohë që ka probleme të rënda shëndetësore si pasojë e burgut dhe torturave qe UDB-ja bëri ndaj Tasim zhurjanit. Perndryshe Tasimi ka mbajtur shumè greva urie dhe shpesh herè në shetitore te burgut të Dubravës ka dalur me ndihmën e shokëve të tè njejtit ideal, pasiqë nuk e kanë mbajtur këmbët. Tasim Badallaj ka mbajtur burg në Gjilan, Dubravë, Beograd dhe Prizren.

Gjatë ndejës, kujtuam edhe shokë të tjerë burgu, e që Tasimi (për aq sa e lejonte kujtesa e tij shëndetësore) përmendi disa herè Nait Hasanin, por edhe situata të tjera brenda grilave.

Sa isha ne burgun e Prizrenit, kujton Tasim Badallaj, në nëntorin e vitit 1989, arrita të ikë nga ky burg dhe në vend që të shkoja në shtëpi, unë shkova në Prishtinë dhe për 6 ditë me radhë mora pjesë në demonstratat që zhvilloheshin në Prishtinë. Më zbuluan dhe më arrestuan sërish, kujton ai.

Vlenë të përmendim edhe mikëpritjen që na bëri babai i tij, por edhe kusheriri i Tasimit, Ramiz Badallaj i cili na shoqëroi gjatè tërë kohës sa qëndruam me Tasimin.

P.S.

Për të vërtetën e plotë ndaj ish të burgosurit politik Tasim Badallajt (e që unë s’ pa mund ta shkruaj) kërkoni në google dhe do të mësoni më shumë.