Trajneri i Milanit, Stefano Pioli, edhe pse fundi i sezonit është larg, ka filluar duke bërë që tani llogaritë e titullit.

“Nëse Napoli vazhdon kështu, mund të grumbullojë 100 pikë dhe pastaj duhet t’i komplimentojmë, por duhet të mendojmë për të marrë  shumë pikë. Vitin e kaluar duheshin 86, ndoshta këtë vit mund të duhen edhe më shumë. Ka ende 69 pikë në dispozicion, ka shumë, por duhet të fillojmë të ecim fort dhe sigurisht duhet të besojmë në të”, është shprehur ai. Gara për titullin në kampionatin italian është mes Interit, Milanit, Juventusit dhe Napolit.