Ndeshjet e Serie A më 4 janar 2023 do të fillojnë me një minutë heshtje për nder të legjendës braziliane Pele, njoftoi FIGC.

Pele vdiq në Brazil të enjten, më 29 dhjetor, në moshën 82-vjeçare.

Futbolli italian do të nderojë ish-sulmuesin brazilian duke mbajtur një minutë heshtje përpara miqësoreve të sotme që përfshijnë klubet e Serie A dhe lojërat në ligën elitare Italisë, të planifikuara për 4 janar 2023.

Presidenti i FIGC, Gabriele Gravina tha se futbolli “është bërë loja më e dashur dhe më e luajtur në botë” falë Peles.

“Në të, miliona njerëz e njohën veten në një histori të bukur shpengimi dhe pasioni të madh. Klasi i tij do të shkëlqejë në kujtimet tona përgjithmonë.”

Klubet, lojtarët dhe legjendat e Serie A kanë respektuar legjendën braziliane në rrjetet sociale, ndërsa ish-sulmuesi i Interit dhe Milanit, Ronaldo shkroi një letër për ‘La Gazzetta dello Sport’, ku kujtoi një takim që pati me O’Rey në vitin 2000 pas lëndimit të tij të dytë në gju.

Pele nuk kishte luajtur kurrë në Evropë, por ishte afër bashkimit me Interin në vitet e fundit 50 dhe shënoi një gol në një fitore 4-1 kundër Italisë në finalen e Kupës së Botës 1970.