![](https://www.epokaere.com/wp-content/uploads/2023/01/nba.png)
LA Lakers, skuadra më në formë në vitin 2023
Duket e pabesueshme duke pasur parasysh se si filloi sezoni për ekipin, por Los Angeles Lakers janë në një ecuri të jashtëzakonshme.
Ata janë aktualisht skuadra më në formë në NBA në fillim të vitit të ri kalendarik, pasi kanë arritur pesë fitore radhazi – katër prej të cilave kanë ardhur në vitin 2023.
Lakers morën fitore kundër Atlanta Hawks ( dy herë), Miami Heat dhe Charlotte Hornets, duke mundur gjithashtu Sacramento Kings të shtunën.
Skuadra e LeBron James është përmirësuar ndjeshëm gjatë javëve të fundit pas një fillimi të tmerrshëm të sezonit.
Kundër Kings, Thomas Bryant ishte i jashtëzakonshëm, duke shënuar 29 pikë dhe duke bërë 14 kërcime, ndërsa Dennis Schroder (26 pikë) dhe Russell Westbrook (25 pikë dhe 15 asistime) ishin në zjarr.
Sa i përket James , ai ka arritur të sfidojë kritikët, duke marrë mesatarisht 38 pikë për ndeshje që kur mbushi 38 vjeç.
Lakers po ngjiten në tabelë, aktualisht në vendin e 12-të në Konferencën Perëndimore. Ata kanë regjistruar të njëjtin numër fitoresh (19) si Portland Trail Blazers i vendit të tetë dhe janë vetëm një fitore pas Kings të vendit të pestë.