Publikohen mesazhe tronditëse, Tate i kërcënonte vajzat e trafikuara
Pas arrestimit të Andrew Tate nën akuzën e trafikut të vajzave dhe shfrytëzimit për materiale pornografike, mediat kanë publikuar disa mesazhe nga Whatsapp-i i influencuesit.
Sipas mesazheve të publikuara, pretendohet se Andrew Tate ka kërcënuar një prej vajzave që të mos dilte nga shtëpia e tij në Rumani e pashoqëruar.
Në një prej mesazheve të publikuara, një prej vajzave i lutej Andrew Tate që të largohej, ndërsa ky i fundit shkruan se ajo duhet të dalë e shoqëruar nga punonjësit e tij më të besuar.
Vajza (e paidentifikuar): Pse je kaq i ftohtë me mua?
Tate: Të thash që të mos dalësh nga shtëpia pa më thënë mua. As në qendër tregtare, as në market, në asnjë vend nuk do shkosh që sot e tutje pa më lajmëruar.
Vajza: Të thashë që dua të dal e vetme.
Tate: Ky është paralajmërimi i fundit.
Ndërsa në një mesazh tjetër të publikuar, një tjetër vajzë e pyet Andrew Tate nëse ai e drejton “aktivitetin” në Rumani, teksa ai e pohon.
Vajza: Kam dëgjuar se ti e drejton biznesin e Only Fans dhe reklamimit të vajzave në TikTok?
Tate: Tristani (vëllai) dhe Georgiana (punonjëse) e menaxhojnë këtë biznes, por unë i drejtoj ata.
Andrew dhe Tristan Tate u arrestuan muajin e kaluar në Rumani pasi akuzohen për trafikimin dhe shfrytëzimin e vajzave të reja për publikimin e materialeve pornografike.
Ata janë ende në paraburgim teksa autoritetet rumune vijojnë hetimin për akuzat që rëndojnë mbi ta.
