![](https://www.epokaere.com/wp-content/uploads/2023/01/policia-3.jpg)
Policia arreston një person për vjedhje të rënda në Podujevë
11 janar 2023
| 11:12
Mbrëmë nga zyrtarët policorë të stacionit të Podujevës, është arrestuar një person, për të cilin ekziston dyshimi i arsyeshëm se është përfshirë në një rast të vjedhjes së rëndë, që ka ndodhë në rrugën “Xhemail Mustafa” në Podujevë.
Personi i dyshuar, i cili dyshohet se gjatë natës së kaluar, me forcë kishte depërtuar brenda një lokali, ku ka marrë gjësende në vlerë rreth 1 250 euro, është arrestuar në flagrancë nga ana e policisë.
Personi i dyshuar A.H, mashkull, 37 vjeç, është dërguar në mbajtje.
I njëjti për veprën vjedhje e rëndë dhe disa vjedhje të tjera ku dyshohet të jetë i përfshirë, do të intervistohet sot për shkak se pas bërjes së testit, mbrëmë ka rezultuar i dehur.