Mbrëmë nga njësite të stacionit policor Veriu në Prishtinë, është arrestuar një person i dyshuar për veprën grabitje, që ka ndodhë me datën 19.01.2022, në rrugën “Fazli Grajqevci” në Prishtinë.

Puna e zyrtarëve policorë, është finalizuar mbrëmë rreth orës 19:00, ku pas marrjes së disa veprimeve operative kanë arrit që të arrestojnë personin e dyshuar: E.B . mashkull, 22 vjeç, shtetas i Republikës së Kosovës.

Personi i dyshuar me vendim prokurorit të shtetit është dërguar në mbajtje, i njëjti është i njohur për policinë si përsëritës i veprave të ndryshme penale.