![](https://www.epokaere.com/wp-content/uploads/2023/01/ramush-haradinaj.jpg)
Haradinaj jep detaje nga takimi që ka pasur me Derek Chollet
Kryetari i AAK-së, Ramush Haradinaj, ka zhvilluar takim me delegacionin nga Departmenti i Shtetit i kryesuar nga Derek Chollet, këshilltar i lartë, Gabriel Escobar, Ndihmës Asistent i Sekretarit të Shtetit për Çështje të Evropës dhe Evroazisë, Spencer Boyer, Zëvendës Ndihmës Sekretar i Mbrojtjes për Politikat Evropiane dhe NATO-n, dhe me ambasadorin Amerikan në Kosovë, Jeffrey Hovenier.
Haradinaj ka bërë me dije se ka shtruar nevojën urgjente të arritjes së marrëveshjes finale për njohje të ndërsjellë me Serbinë, si hap i domosdosshëm për normalizimin e marrëdhënieve midis dy shteteve.
“Njëkohësisht, shtrova nevojën e integrimit të plotë të qytetarëve serbë në institucionet e Republikës së Kosovës si dhe zbatimin e plotë të rendit dhe ligjit në çdo pjesë të vendit”.
“Falënderova përfaqësusit amerikanë për ndihmën e vazhdueshme të ShBA-ve në të gjitha fazat e lirisë dhe shtetndërtimit të Kosovës dhe kërkova mbështetjen e tyre edhe në këtë fazë të ndjeshme pa të cilën vështirë se do të mund të arrijmë një marrëveshje përfundimtare të paqes”, ka shkruar Haradinaj në “Facebook”.