Qindra njerëz figurojnë të zhdukur dhe disa kanë vdekur pasi një digë, në ndërtim e sipër është rrëzuar në Laos, shtet në Azinë Juglindore.

Rënia e digës hidroelektrike në provincën Atapeu ka shkaktuar përmbytje të mëdha në gjashtë fshatra, ka bërë me dije agjencia e lajmeve “Lao”.

Sipas kësaj agjencie mbi 6 600 njerëz kanë mbetur pa shtëpi.

“Fatkeqësia ka marrë disa jetë njerëzish dhe ka lënë të zhdukur qindra”, ka shkruar agjencia “Lao”.

Arsyeja për rrëzimin e digës nuk është ende e qartë.

Ndërtimi i saj ka filluar në vitin 2013 dhe ajo do të niste prodhimin e energjisë këtë vit.