Vërshimet e kanë përfshi edhe Komunën e Klinës ku gjendja në shumë fshatra dhe lokalitete është rënduar.

Kryetari i kësaj komune, Zenun Elezaj ka dalë në terren për të parë nga afër gjendjen që është shkaktuar pas reshjeve të mëdha të shiut në vend. Ai ka kërkuar nga qytetarët që të kenë kujdes sidomos në komunikacion.

“Si rrjedhojë e reshjeve të vazhdueshme të shiut gjendja në shumë fshatra dhe lokalitete është rënduar. Bashkë me nënkryetaren Marqe Selmanaj, drejtorin e DSHPE-së, Qendrim Millaku dhe atë të Inspektoratit Faruk Smajli kam vizituar disa fshatra për të parë nga afër gjendjen e krijuar. Në kuadër të kapaciteteve që kemi po angazhohemi për lehtësimin e situatës. Po ashtu, Shërbimi i Zjarrfikësve dhe Policia e Kosovës vazhdimisht po i përgjigjet kërkesave të qytetarëve. Apeloj qytetarët që të kenë kujdes të shtuar në komunikacion, sepse ka vështirësi në disa rrugë”, ka thënë Elezaj.