Policia në fshatin Bistricë të Leposaviqit ka kapur 30 mijë euro të padeklaruara, gjatë kontrollit të një veturë me targa të huaja, të cilin po e ngiste një shtetas serb i moshës 20 vjeçare me inicialet M.R.

Rasti në fjalë është iniciuar si ‘’Mosdeklarim i pasurisë’’.

“Në lidhje me rastin është njoftuar prokurori kujdestar i krimeve të rënda i cili ka sugjeruar të iniciohet vepra penale ‘’Mosdeklarim i pasurisë’’ dhe të konfiskohen të hollat”, thuhet në deklaratën e policisë.

Personi i dyshuar më pas është liruar në procedurë të rregullt.