![](https://www.epokaere.com/wp-content/uploads/2023/01/euro-4.jpg)
Shoqërohen në polici dy persona për shmangie nga tatimi
27 janar 2023
| 12:12
Policia e Kosovës ka njoftuar se mbrëmë rreth orës 21:00 nga zyrtarët policor të stacionit të Fushë Kosovës janë shoqëruar në stacion dy persona të cilëve u janë gjetur dhe sekuestruar rreth 33 mijë euro.
“Sekuestrimi i parave (rreth 33.000 euro) është bërë në rrugën e Pejës, në Bresje, kur personat/ automjeti me të cilin po lëviznin është ndaluar nga policia për një kontroll rutinë. Personat e dyshuar nuk kanë arritur të dëshmojnë prejardhjen e parave të sekuestruara, andaj është iniciuar rast për shmangie nga tatimi. Pas intervistimit dhe përfundimit të procedurave të nevojshme policore në konsultim me prokurorin e shtetit, janë liruar në procedurë të rregullt”, ka njoftuar policia.