Kryeministri i Kosovës, Ramush Haradinaj, ka bërë të qartë edhe njëherë se nuk do të ketë ndarje të Kosovës.

Ai ka refuzuar të flas lidhur me idetë e fundit për ndarje të mundshme të territorit të Kosovës, raporton “RTK”.

I pyetur nga gazetarët lidhur me këtë çështje, kryeministri Haradinaj është përgjigjur: “Cilës Kosovë. Kosova edhe ashtu është e vogël. S’ka ndarje”.

Këto komente Haradinaj i ka bërë në hapjen e panairit të prodhimeve vendore në Ferizaj, ku po marrin pjesë kompani shqiptare nga Kosova, Shqipëria e Maqedonia.