Deputeti i Lidhjes Demokratike të Kosovës (LDK), Arben Gashi, e ka kritikuar kryeministrin Albin Kurti për qasjen e tij për asociacionin.

Gashi ka thënë se Kurti po dëshiron ta bëjë asociacionin vetëm duke ia ndryshuar emrin.

Ai e ka akuzuar kryeministrin se për shkak tij kanë vdekur njerëz.

“Në këtë vend kanë vdekur njerëz me iniciativën tende kundër ‘Zajednicës’ e tash po do me ia ndërruar emrin. I ki 22 pika që t’i ka qitë Gjykata Kushtetuese. Qato zbatojë e mos na fol për gjashtë kushte të tuat”, ka thënë Gashi.

Kurti i ka replikuar me Gashin duke thënë se “‘Zajednicën’ e ka nënshkruar ish-kryetari i LDK-së, Isa Mustafa”.