Humbja nga Interi e rëndon akoma më shumë situatën në skuadrën e Milanit, tani kuqezinjtë rrezikojnë edhe pjesëmarrjen në Evropë, për momentin ndodhen në vendin e 6-të në kuotën e 38 pikëve.

“Është e qartë se duhet të jemi më kompakt. I lejuam të kishin kontrollin e topit dhe u mbrojtëm keq. Është një humbje që djeg”, u shpreh Pioli duke u ndalur më pas te çështja Leao dhe zgjedhja për të lanë në stol: “Ka shumë potencial, por Leao duhet të jetë aktiv gjatë gjithë ndeshjes, është një lojtar tek i cili kemi shumë besim”.