![](https://www.epokaere.com/wp-content/uploads/2023/02/superliga-scaled.jpg)
Dy ndeshje në Superligën e femrave
08 shkurt 2023
| 13:31
Superliga e Femrave në mesjavë do të zhvillojë ndeshjet e radhës në kuadër të xhiros së 16-të.
Vëllaznimi është nikoqir i Prishtinës, të mërkurën nga ora 18:00. Prishtina pas 15-të xhirove renditët e dyta në tabelë me 12 fitore e tre humbje, ndërsa Vëllaznimi ka regjistruar vetëm një fitore nga 15-të ndeshjet e zhvilluara.
Trepça këtë xhiro udhëton në Gjilan ku do të zhvillojë ndeshjen me United Basketball. Të dy skuadrat kanë nga katër fitore dhe 11 humbje.
Kurse derbi mes Penzës dhe Bashkimit i cili i takon kësaj xhiro do të zhvillohet më vonë.