Një vajzë 10-vjeçare u shpëtua nga nën rrënojat në provincën Hatay të Turqisë jugore, 147 orë pas tërmetit shkatërrues të së hënës.

Një tjetër i mbijetuar është një burrë 35-vjeçar, i identifikuar si Mustafa Sarıgül. Ai u shpëtua nga rrënojat e një pallati gjashtëkatësh në të njëjtën provincë të dielën, shkruan CNN.

Numri i të vdekurve nga tërmeti në Turqi dhe Siri ka arritur në të paktën 28 mijë e 192, 24 mijë e 617 vetëm në Turqi.